På køyretur

Det har ikkje blitt så mykje blogging i det siste, verken på hestebloggen, Mitzi sin blogg eller min eigen… Eg har tatt ein del bilder, skal sjå å få lagt dei ut i løpet av kvelden. Startar med dagens bilder iallfall!

Janita kom på besøk, og vi fikk oss ein fin køyretur. Det er lenge sidan Lea var i vogn sist no, men det gikk heilt fint. 

Sidan Lea fortsatt ikkje har heilt friske bakhovar blei det berre ein skrittetur, med nokre innlagte travsteg frå Lea si side.

 Eg hadde kun med kompaktkamera på turen, så dessverre blei ein del av bilda litt uklare, men utsikta frå vogna var upåklagelig! Lea kler verkleg å ha på vogn og sele!

Her passerer vi Bakketun, der Von (hesten til Hege & Kai Ove) står ute, så Lea var litt ekstra interessert.

Vi kjørte framover mot Ulset, men fram på Øvrelid var der ein skiløpar på tur, som Lea syns var fole skummel. Ho stressa eit stykke då, men fann heldigvis roa igjen, og kosa seg siste strekninga heimover.

 

Det var tydlegvis mange som nytta det kjekke veret i dag til ein tur med hesten. Vi møtte fleire langs veien, og etterkvart fann Lea ut at ho skulle oppføre seg normalt. Det var vel berre første hesten ho passerte at ho var litt ekstra på vakt.

Eg har leika meg litt med bilda. Skal sende dei originale bilda på mail til deg, Janita, så du får bruke i bloggen :)