Søndag syns eg det kunne sjå ut som Lea var ein smule halt, men lot det bero til dagen etter.
Måndag såg eg klart at ho var halt i venstre bakfot. Spylte ho rein for gjørme, og sjekka over beina hennar. Fann raskt ut at der var ein hevelse i kodeleddet. Det er ille å seie det, men eg trur ikkje eg har sett “så stor pris på” ein hevelse før. For no såg vi jo heilt klart kor haltinga kom frå. Det er undervurdert å sjå årsaka til ei skade ;)
Eg bandasjerte ho for natta, og hestane stod inne tysdag fram til middagsforing. Mamma melde då om ei mindre hova Lea når ho slepte ut, og det gjorde nok godt å få ein dag inne.
På kvelden var ho merkbart mindre halt, og hevelsen var også mindre. Spylte beina, bandasjerte og satt ho inn.
Onsdag var det dritver, så hestane fekk stå inne til middagsforing då også – og det gjorde nok foten til Lea berre bra det også. Kunne ikkje sjå noko særleg hevelse på kvelden, og berre ei knapp antydning til halting.
Ho har nok trakka over eller noko på beite vil eg tru. Kunne sjå ut som ho hadde sklidd litt i helga, så det spørs om det kom då.
No ser det iallfall ut til å vere i orden igjen, så då håper vi på opplett snart, helst kan snøen vente litt…
Og neste helg håper vi inderlig at veret er bra nok til at gravemaskina kan starte med graving av vinterpaddock:)
Bra at ho vart bra igjen;)
SvarSlettHåpe på fint gravever i helga ;)