Endeleg beitetid!

Fekk dette kjekke bildet frå Mariann på Øye i dag, ei glad og fornøgd Sugar på beite!

God tysdag!

Nydlige Sunnmøre ♥

Innlegget om utstyr til sals/gis vekk finn du her (link)

Dette innlegget er opprinnleg publisert på den “vanlege” bloggen min, men sidan det er ein del hestebilder her, kopierer eg berre same innlegget hit

Eit lite bilderas av Sunnmørsnatur med litt hest og hund innimellom.

Langfredag og påskeafta baud på årets to første sommardagar! I dag er det fortsatt fint, sola skein tidlegare i dag, men det er ein del vind og no skyer. Men eg skal ikkje klage. Det er nydleg kjekt med slikt ver når vi attpåtil har fri!

Eg og mamma reiste til Øye på formiddagen i går, for å besøke Sugar. Vi kunne nok ikkje valgt ein bedre dag å sjå Hjørundfjorden på!

Vel framme på Øye blei vi møtt av fornøgde hestar og blide folk!

Vakker natur på Øye!

Sugar og Andante har blitt veldig gode vennar - ingen tvil!

♥

Sugar var ikkje så fotogen i går, ho var mest opptatt av å jåle seg for Andante, men Andante poserte litt iallfall.

Og det gjorde denne frøkna her også - poserte altså.

Neste gong vi besøker Sugar satsar vi på at ho er litt meir pratsom, men det er iallfall ingen tvil om at ho trives på Øye, og har det godt.

På ettermiddagen vart det ein tur til Flø, på Moods og Studio Hugo, og deretter grilling i fjøra.

Den rosa traktoren til Moods utføre butikken…

…er ikkje det einaste som fins i rosa der…

Men mest fascinert blei eg over lyskrona i taket. Ikkje så godt å sjå på bildet, men den er laga av Norgesglas!

Vi grilla i fjøra, med eingongsgrillar. Dei var nesten heilt umulege å få fyr på - ikkje pga vind, men pga mangel på tennveske på grillane. Men heldigvis var det tennveske å oppdrive på Flø - takk for redding av middagen til familien Røyset Roppen! Grillane var kjøpt i går, eg kjøpte til og med to for å ha ein i backup… Men kanskje har dei vore lagra frå i fjor, og tennveska fordampa i løpet av vinteren…? Jaja, det blei middag på oss!

Flø er som alltid vakker!

Sugar på Øye

Innlegget om utstyr til sals/gis vekk finn du her

Tok nokre bilde når Sugar kom til Øye. Det er begrensa kor “fine” bilda blir når det er dekkenver og litt vått, men, men

Sugar fyller 21 år i dag!

I dag fyller Sugar 21 år, og det er 15 år sidan vi fekk ho hit! Heilt utruleg å tenke på kor lenge vi har hatt ho. Har skjedd mykje i løpet av 15 år!

Ein blir glad i dyra, det veit vi alle, men den dagen ein ikkje kan ha dei lenger, må kome før eller seinare. Dessverre. Både eg og mamma plagast med rygg. Det er mamma som har styrt med Sugar, og i løpet av vinteren har det vorte klart at ho ikkje kan ha Sugar lenger. Eg kan heller ikkje ha hest no, pga ryggen. Så i går reiste Sugar, men berre vekk på for, for eit år iallfall. Så får vi sjå kva som skjer i løpet av eit år.

Bildet er tatt 5-10 minutt etter ho kom fram til sin nye heim, på Øye. Ho har aldri vore der før, og har aldri helst på Andante før, men dei blei gode vennar med ein gong. Det kom ikkje eit hyl ein gong frå nokon av dei.

På kvelden fekk eg rapport om to fornøgde hestar som stod å klødde manke over boksveggane, og Sugar hadde funne seg godt til rette også i boksa, der ho hadde sjølvsagt rulla seg etter få sekund.

Som Mariann skreiv, dette blir nok eit dreamteam!

Gratulerer med dagen, Sugar!! Regnar med Andante og resten på Øye sørger for du får ein super dag!